Изге ай тамам

Мосолмандар Ураҙа байрамын – оҙайлы ураҙа тотоуҙың тамамланыуын билдәләне. Рухи һәм әхлаҡи яҡтан таҙарыныу үтеп, кешеләр Аллаһ Тәғәләне данланы, сауаплы эштәр башҡарҙы.Ошондай мәлдәрҙә имандың ни тиклем мөһим икәнен һәм был юлда руханиҙарҙың ниндәй ҙур ярҙам күрһәткәнен аңлайһың. Улар мөһим социаль функцияларҙы ла башҡара – мохтаждарға ярҙам итә, йәштәрҙе тәрбиәләй, этник-ара һәм конфессия-ара мөнәсәбәттәрҙе көйләүгә булышлыҡ итә. Кешеләргә ярҙам итеү беҙҙең заманда диндәрҙең мөһим ролен тәшкил итә лә инде.
Рамаҙан – ҙур тәрбиә мәктәбе. Мосолмандар уның ҡанун-ҡағиҙәләрен теүәл үтәргә, Аллаһтың рәхмәтенә өлгәшергә тырышты, дөрөҫ йәшәүгә табан йәнә бер нисә аҙым яһаны, насар уй-ниәттәрҙән, ялғандан тыйылырға, ризыҡтың, ваҡыттың ҡәҙерен белергә өйрәнде.
СНХ Камил
Рамаҙанда алған күркәм тәрбиәне туҡтатмай дауам итергә яҙһын.
Изге айҙан һуң башланған Шәүүәл айында ла 6 көн ураҙа тотоу хәйерле һанала. Иң сауаплыһы алты көн дауамында өҙмәй тотоу хәйерле тип, әйтелә. Көн аша, йәки ике-өс көн аша ла тоторға була.
Йәғни Рамаҙан айында ниндәйҙер сәбәп менән (ауырыу, юл һәм башҡа) ҡалдырған икәнегеҙ, шул көндәр өсөн Шәүүәлдә тотоп ҡуйырға кәрәк.