Буласаҡ табип фатир алды

Хәйбулла районы хакимиәте башлығы Илмир Ҡотоев яңы уҡыу йылы башланыр алдынан Аделина Анкудимоваға фатир асҡысы тапшырҙы. Башҡорт дәүләт медицина университетының 3-сө курсына уҡырға барған ҡыҙ торлаҡҡа "Ғаилә" милли проектының «Етем балалар һәм ата-әсә ҡарауынан иртә йәштә мәхрүм ҡалған балаларға федераль ярҙам» программаһы сиктәрендә эйә булды.

Был программа дәүләт сәйәсәтенең йәштәрҙе лайыҡлы киләсәккә әҙерләүҙә мөһим аҙым.

Аделина киләсәктә табип булып, белем алған һөнәре буйынса районға эшләргә ҡайтырға иҫәп тота. Ҡыҙҙың был ҡарары уның тыуған еренә, яҡташтарына сикһеҙ һөйөүен сағылдыра.

—Үҙ мөйөшөм булыуына әле лә ышанып бөтә алмайым,--тине Аделина, ҡулына фатиры асҡысын алғас.- Тәүге йортом—наҙлы бишегем, күҙ терәп ҡайтыр урыным буласаҡ. Тыуған төбәгемә файҙалы булыу, кешеләрҙе дауалау--минең төп хыялым.

Уҡыу менән бер рәттән Аделинаны күңелле мәшәҡәттәр--яңы фатирын зауыҡ менән биҙәү һәм йәшәү өсөн йәмле мөхит булдырыу эштәре көтә.

Гөлдәр Ҡадаева.

Автор:Гульдар Кадаева

Читайте нас

Партнеры