Ремонтҡа старт бирелде

Йылайыр районы Юлдыбай урта дөйөм белем биреү мәктәбендә күләмле ремонт эштәренә старт бирелде. Уҡыу йорто мәктәп мәғариф системаларын модернизациялау буйынса Федераль проектта ҡатнашыусылар иҫәбенә инә, ул «Йәштәр һәм балалар» милли проекты сиктәрендә тормошҡа ашырылыуын дауам итә. Әлеге ваҡытта төҙөлөш бригадалары беренсе, иң күп ваҡыт талап иткән һәм туҙанлы этапты — иҫке конструкцияларҙы һүтеүҙе тамамлаған, киләсәкке эштәр өсөн ышаныслы нигеҙ әҙерләгән.

Алда мәктәпте үҙгәртерҙәй һәм уңайлы шарттар тыуҙырырҙай ҙур эштәр.