+4 °С
Болотло
Бөтә яңылыҡтар
Мәғлүмәт
26 Март , 21:10
Комбинат хеҙмәткәрҙәре өсөн
Бүребай тау-байыҡтырыу комбинаты профсоюзы "Урал аръяғы" шифаханаһы менән хеҙмәттәшлек тураһында килешеүгә ҡул ҡуйҙы. Предприятиеның профсоюз ойошмаһында торған Бүребай тау-байыҡтырыу комбинаты хеҙмәткәрҙәре өсөн яҡшы яңылыҡ. Хәҙер уларға һаулыҡтарын нығытыу һәм ял көндәрен файҙалы үткәреү еңелерәк һәм арзаныраҡ буласаҡ. Профсоюзда торған тау-байыҡтырыу предприятиеһы хеҙмәткәрҙәре «Ял көнө туры» программаһы сиктәрендә шифаханаға бушлай йөрөй ала.
Комбинат хеҙмәткәрҙәре өсөн
Ябай ғына әйткәндә, законлы ял көндәрендә «Урал аръяғы» шифаханаһына барып ял итергә, һаулығын нығытырға һәм яңы эш аҙнаһы алдынан көс йыйырға мөмкин. График бик уңайлы: йома иртәнсәк баралар, йәкшәмбе көндөң икенсе яртыһында сығалар. Теләге булғандарға ғариза менән профсоюздың цех комитетына йәки туранан-тура комбинаттың беренсел профсоюз ойошмаһына мөрәжәғәт итергә кәрәк.
Бүребай тау–байыҡтырыу комбинатының профкомы хеҙмәткәрҙәре «Ял көнө туры» программаһы менән Йәнтеш ауылында урынлашҡан «Һаҡмар» шифаханаһында ла ял итә ала.
Новости партнеров