Башҡортостандан - һөйөү менән

БАШҠОРТОСТАНДА "БАШҠОРТОСТАНДАН ҺӨЙӨҮ МЕНӘН" КҮЛӘМЛЕ АКЦИЯҺЫНЫҢ ИКЕНСЕ ЭТАБЫ БАШЛАНА.

Башҡортостан Республикаһы хөкүмәте «Башҡортостандан һөйөү менән» республика акцияһының икенсе этабы башланыуы тураһында иғлан итә. 2026 йылдың 18 февраленән 28 февраленә тиклем Мәскәү университеттарында уҡыған студенттар һәм аспиранттар туғандарынан һәм яҡындарынан посылкалар ала ала.

Быйыл акция 200 посылка һәм 6 тонна йөк ташыуҙы күҙ уңында тота. Ҡатнашыусыларҙың уңайлылығы өсөн ике логистик маршрут тормошҡа ашырыласаҡ. Беренсе маршрут (18-19 февраль) Учалы, Белорет, Асҡар, Сермән, Инйәр, Өфө, Кушнаренко, Саҡмағош, Дүртөйлө, Нефтекама, Ағиҙел ҡалаларын үҙ эсенә ала. Икенсе маршрут (25-26 февраль) Сибай, Баймаҡ, Юлдыбай, Йылайыр, Иҫәнғол, Мораҡ, Күмертау, Мәләүез, Салауат, Ишембай, Стәрлетамаҡ, Талбазы, Шишмә, Языково, Бүздәк, Туймазы ҡалаларын үҙ эсенә ала. Ике маршрут та Мәскәүгә юл тота.

Акцияның төп маҡсаты — студенттар берләшмәһенә адреслы ярҙам күрһәтеү һәм тыуған яҡ менән бәйләнеште һаҡлау. Икенсе этапта проекттың географияһы киңәйтелә: Ике логистик маршрут файҙаланыла һәм Мәскәүҙә алты посылка биреү нөктәһе асыла. Акцияла ҡатнашыу өсөн түбәндәге һылтанма буйынса мотлаҡ теркәлеү үтергә кәрәк [clck.ru/3Rh8Vn] һәм проект өсөн булдырылған махсус каналға өҫтәлеүҙе көтөргә.

Мәскәүҙә уҡыған Башҡортостан республикаһының барлыҡ студенттарын Һәм аспиранттарын ошо уникаль мөмкинлектән файҙаланырға һәм тыуған яҡтың ярҙамын тойорға саҡырабыҙ!