+30 °С
Облачно
Мәғлүмәт
18 Января , 07:00
Башҡортостандан МХО яугиренең һөжүме дошманды ҡасырға мәжбүр иткән
Салауат районынан МХО-ла ҡатнашыусы Рөстәм Фәхриев Донецк Халыҡ Республикаһында тораҡ пункттарҙың береһен азат иткәндә ВСУ-ның ут нөктәһенә тап булған һәм яңғыҙы дошман позицияларын штурмға тотҡан. Командованиеның муниципалитет хакимиәте башлығы Марс Кашаповҡа яҙған хатында Башҡортостан егетенең ҡаһарманлығы тураһында һүҙ бара.
Рөстәм Фәхриевтың тәүәккәл һәм көтөлмәгән һөжүме дошманды позицияһын ташлап, сигенергә мәжбүр иткән. Ә подразделение ҡуйылған бурыстарҙы юғары профессиональ кимәлдә үтәгән. Шулай уҡ шәхси составты һәм техниканы юғалтыуға юл ҡуйылмаған, тип яҙа командир.
Күрһәткән ҡыйыулығы һәм ҡаһарманлығы өсөн Рөстәм Фәхриев Жуков миҙалы һәм Суворов миҙалы менән бүләкләнгән.
Яҡташыбыҙ 2024 йылдың декабренән алғы һыҙыҡта хеҙмәт итә.
