+30 °С
Болотло
Мәғлүмәт
16 Июнь 2025, 06:15
Башҡортостанда Салауат Юлаевҡа һәйкәл асылды
Башҡортостанда тантаналы рәүештә Салауат Юлаевҡа һәйкәл асылды. Ул данлы яугир һәм шағир-сәсәндең исемен йөрөткән Салауат районында урынлашҡан.
Башҡортостанда Салауат Юлаевҡа һәйкәл асылды
Һәйкәл Өфөнөң төп биҙәге булған атлы статуяның күсермәһе булып тора. Монументта «Салауат Юлаев (1754-1800) — башҡорт халҡының милли геройы» тигән яҙыу ҡуйылған.
«Салауат районына ингән ерҙә башҡорт халҡының милли батыры Салауат Юлаевҡа һәйкәл асыу тантанаһы уҙҙы. Салауат Юлаев – республикабыҙ символы,ул беҙҙең хәтерҙә мәңгегә хоҡуҡ һәм азатлыҡ өсөн көрәшсеһе булып ҡалыр. Яҡташыбыҙҙың рухы беҙҙең йөрәктәрҙә йәшәһен һәм тыуған ил өсөн изге эштәргә рухландырһын!» — тип яҙҙы район башлығы Марс Кашапов социаль селтәрҙәге сәхифәһендә.
Ошо көндәрҙә Салауат районында «Салауат йыйыны-2025» республика фольклор байрамы ойошторолдо. Быйыл ул Салауат Юлаевтың тыуыуына 271 йыл тулыуға арналды.
