Рәсәй Президенты Владимир Путин үҙенең хакимиәте командаһын тупланы

Владимир Путин үҙенең указдары менән Рәсәй президенты хакимиәте командаһын булдырҙы. Етәксе итеп Антон Вайно тәғәйенләнде. Уның беренсе урынбаҫарҙары — Алексей Громов һәм Сергей Кириенко. Рәсәй президенты хакимиәте етәксеһе урынбаҫарҙары вазифаһын Дмитрий Козак, Магомедсалам Магомедов, Максим Орешкин, Владимир Островенко биләй. Дмитрий Песков дәүләт башлығының матбуғат секретары вазифаһында ҡалды. Бер үк ваҡытта ул Рәсәй президенты хакимиәте етәксеһе урынбаҫары вазифаһын да башҡара.