АТАЙСАЛ
+22 °С
Болотло
Антитеррор
Бөтә яңылыҡтар
Мәғлүмәт
2 Апрель , 10:10

Бурыслы ҡалдым, әсәй!..

Эштән ҡайтам да ҡосаҡларға йүгерешкән балаларымды рәхәтләнеп һөйәм. Уларҙы яратҡанда гел әсәйем иҫкә төшә. Үҫеп егет була башлағас та ул: "Иии, үҙемдең улым шул!" - тип арҡамдан һөйөп ярата ине. Ә минең бар ҡурҡҡаным: күрше малайҙары ғына күрмәһә ярар ине, урамға сыҡҡас, күҙеңде лә астырмаҫтар. "Әсәй, улай ныҡ ҡысҡырып һөймә инде, малайҙар ишетә бит", - тип әйтә инем.

Бурыслы ҡалдым, әсәй!..
Бурыслы ҡалдым, әсәй!..



...Хәҙер әсәйем юҡ инде. Юғалтыу ауырлығы иҫкә төшкәндә генә йөрәкте телгеләй. Шулай ҙа күңелдән бер ҡасан да китмәй үкендереп торған нәмә бар. Донъялар арыуланып, үҙем аҡса табып, мөмкинселектәргә ирешкән мәлемдә юҡ шул әсәй. Иң ауыры – ҡәҙерлемә яҡшылыҡ эшләп өлгөрөп булманы.

Бына хәҙер ҡунаҡҡа алып ҡайтып, түр башыңа мендереп ултырт та, ҡәҙер-хөрмәт күрһәтеп, иң тәмле ризыҡтар менән һыйлап, иң затлы кейемдәр кейҙереп, ғүмерҙә түләп бөтөрә алмаҫлыҡ бурысыңдың бер өлөшөн генә ҡайтар ине лә бит. Әй, күпме генә арҡамдан тупылдатып яратһа ла, ҡуй тимәҫ, берәүҙән дә тартынмаҫ инем. Үҙем дә күтәреп кенә йөрөтөр инем. Үкенесле был донъя!..


Был – әсәйһеҙҙәрҙең хыялы. Ә әсәйлеләр нисек уйлай икән?.. ✍🏻

 

ИНТЕРНЕТТАН

Автор: