+30 °С
Болотло
Мәғлүмәт
31 Июль 2023, 05:10
НИМӘ УЛ ФИШИНГ? УНАН НИСЕК ҺАҠЛАНЫРҒА?
Инглиз телендә Фишинг тигән һүҙ бар, ул "балыҡ ҡармаҡлау" тип тәржемә ителә. Интернетта ла "балыҡ ҡармаҡлаусылар" күп, йәғни ҡорбан эҙләйҙәр. Мәҫәлән, нимә менәндер ҡыҙыҡһындыралар ҙа, бер һылтанма бирәләр һәм шуның аша үтергә ҡушалар. Ә һеҙ ҡабаһығыҙ.
НИМӘ УЛ ФИШИНГ? УНАН НИСЕК ҺАҠЛАНЫРҒА?
Бик иғтибарлы булығыҙ, сәйер сайттарға инмәгеҙ. Логин һәм паролегеҙҙе яҙыр алдынан, сайттың адресына иғтибар итегеҙ. Алдан https (бында «s» хәрефе secure — хәүефһеҙ тигәнде аңлата) тип яҙылһа, барыһы ла яҡшы. Әгәр һылтанманы (ссылканы) дуҫығыҙ ебәрһә лә иғтибар итегеҙ, бәлки мутлашыусылар уның исеменән ебәрәлер. Шундай уҡ хат һалым инспекцияһынан, банктан һәм башҡа яҡтан килеүе бик ихтимал.
