--Район үҙәген хатаһыҙ төбәккә әйләндереү маҡсатында район хакимиәте янында ойошторолған махсус комиссия ағзалары сираттағы рейдҡа сыҡты. Был юлы улар уҙған рейд һҙөмтәләре буйынса иҫкәрмәләр тапшырылған ойошма, учреждение һәм һатыу нөктәләре буйлап йөрөнө. Әйтергә кәрәк, бирелгән бер ай ваҡыт эсендә уларҙың күбеһе кәңәштәрҙе күҙ уңында тотоп, дөрөҫ алтаҡталар урынлаштырған. “Емеш – еләктәр донъяһы”, “Галактика”, “Йомарт” , “Тиргәмеш” магазиндарын, “Имплозия” дарыуханаһын, автовокзал территорияһындағы бер рәт матурлыҡ салондары ишектәрен хәҙер хатаһыҙ алтаҡталар биҙәй. Шул уҡ ваҡытта бер ай элек бирелгән иҫкәрмәләргә ҡолаҡ һалмаусылар ҙа юҡ түгел. Уларға ҡарата административ протоколдар төҙөлә һәм штраф янай. Дөйөм алғанда, комиссия ағзалары күптәрҙең иҫкәрмәләргә яуаплы ҡарауын билдәләй. Яҡын арала рейдтар тағы ҡабатланасаҡ. Шуға күрә алтаҡталары булмағандарға ошо эште хәстәрләп ҡуйыу зарур. Рус теленән башҡорт теленә тәржемә итеүҙә ярҙам кәрәккән осраҡта комиссия ағзаларына мөрәжәғәт итергә мөмкин,--тип хәбәр итәләр Хәйбулла районы хакимиәтенән.
сығанаҡ: https://vk.com/district_haibulla?w=wall-117650762_13409
Хаталар күрһәгеҙ, битараф ҡалмағыҙ! Үҙ телебеҙҙе ихтирам итергә өйрәнәйек.