БЕР ОСҠОН ЕТӘ

Бөгөн Баймаҡ районында бер нисә урында янғын сыҡты. Район хакимиәте башлығы Ф.Ғ.Әминев хәбәр итеүенсә, Аҫыл һәм Мәмбәт ауылдары араһында күмәк көс менән ут туҡтатылған. Унда ике янғын машинаһы, ике МТЗ-80 тракторы йәлеп ителгән, 100-ҙән ашыу кеше булған.

Унан Ҡуштүбә тәңгәлендә ут ҡапты. Унда ла ут туҡтатылған.

Көндәр эҫе, ҡоро. Бер осҡон ҙур янғынға килтереүе бар. Һаҡ булығыҙ!