Башҡортостанда 2020 йылда никахҡа ингән парҙарҙың 571 кейәүе һәм 328 кәләштең йәштәре 60-тан үткән булған.
Һәм киреһенсә, 128 ҡыҙ һәм 9 егет өйләнгән мәлдәрендә бәлиғ булырға өлгөрмәгән. Был хаҡта республика статистары хәбәр итә.
Былтыр беренсе тапҡыр никахҡа ингәндәрҙең уртаса йәше ҡатын-ҡыҙҙар өсөн 26,6 йәш тирәһе булһа, ир-егеттәр өсөн ул 28,9 йәш тәшкил иткән. Төбәктә башлыса 20-34 йәштә ғаилә ҡоралар.
Фото: асыҡ сығанаҡтарҙан.