"Атайсал" мөхәрриренә - Почет грамотаһы

Бөгөн "Красноусол" шифаханаһында милли матбуғат хеҙмәткәрҙәренең йыйыны бара. Милли кейем көнөнә тап килгән сараға мөхәррирҙәр, хәбәрселәр милли кейем кейеп килде. Улар бер нисә секцияға бүленеп эшләйәсәк. Унда беҙҙең коллективтан мөхәрир Х.Н.Тапаҡов, хәбәрсе Ә.И.Үҙәнбаева ҡатнаша.Әйткәндәй, сара сиктәрендә бүләкләү булды. "Атайсал" гәзите мөхәррире Х.Н.Тапаҡовҡа Башҡортостан Республикаһының Почет грамотаһы бирелде. Хәйҙәр Ниғәмәт улын ҡотлайбыҙ! "Атайсал" гәзитенең бәҫен төшөрмәй, уның тиражын арттырыуға артабан да көс һалыр, тип ышанабыҙ һәм һаулыҡ, ижади уңыштар теләйбеҙ!