АТАЙСАЛ
-18 °С
Болотло
Антитеррор
Бөтә яңылыҡтар
Мәғлүмәт
11 Ғинуар 2021, 13:56

ҺӨЙӨНСӨ! БҮЛӘГЕБЕҘ ҺЕҘГӘ!

Ярты йыл һайын лото-уйын уҙғарыу редакциябыҙҙа матур традицияға әйләнде. Был юлы ла, Яңы йыл байрамы алдынан, почтабыҙға 500-гә яҡын квитанция килде. Элек ҡатнашырға теләүсе халыҡты йыйып, телевидение алдында сығыш яһаһаҡ, быйыл күмәк осрашыуҙан ситләшеп торҙоҡ. Шулай ҙа ант итеп әйтәбеҙ: барыһы ла ғәҙел булды. Хеҙмәткәрҙәребеҙ менән бергәләп лото-уйыны еңеүселәрен билдәләнек. Ҡумтаға төрөп һалынған квитанцияларҙы берәмләп сығара торҙоҡ, исем-шәрифен ҡысҡырып уҡып торҙоҡ. Шулай итеп, 2021 йылдың 1-се ярты йыллығына яҙылыусылар араһында төп призды...

Яңы 2021 йылға аяҡ баҫтыҡ. Уҙған йыл “Атайсал”ды алдырып, йыл әйләнәһенә уны яратып уҡып, беҙҙең менән тығыҙ бәйләнештә булған һәм быйыл да дуҫлыҡҡа тоғро ҡалған уҡыусыларыбыҙға ихлас күңелдән рәхмәт белдерәбеҙ!
“Атайсал” гәзитенә лә коронавирус шауҡымы ҡағылмай үтмәне. Беҙ март айынан дистанцион форматта эшләнек. Райондарға сығыу бер аҙға тыйылып торһа ла, ҡәҙерле дуҫтарыбыҙ беҙҙе ташламаны. Даими бәйләнештә булып, төбәк яңылыҡтарын интернеттағы социаль селтәрҙәрҙә түкмәй-сәсмәй еткереп торҙолар. Әлбиттә, был тере аралашыуға, йылы осрашыуға етмәй. Шулай ҙа төп терәгебеҙ булған район, ауыл хәбәрселәре барлығына шатбыҙ.
Ярты йыл һайын лото-уйын уҙғарыу редакциябыҙҙа матур традицияға әйләнде. Был юлы ла, Яңы йыл байрамы алдынан, почтабыҙға 500-гә яҡын квитанция килде. Элек ҡатнашырға теләүсе халыҡты йыйып, телевидение алдында сығыш яһаһаҡ, быйыл күмәк осрашыуҙан ситләшеп торҙоҡ. Шулай ҙа ант итеп әйтәбеҙ: барыһы ла ғәҙел булды. Хеҙмәткәрҙәребеҙ менән бергәләп лото-уйыны еңеүселәрен билдәләнек. Ҡумтаға төрөп һалынған квитанцияларҙы берәмләп сығара торҙоҡ, исем-шәрифен ҡысҡырып уҡып торҙоҡ. Шулай итеп, 2021 йылдың 1-се ярты йыллығына яҙылыусылар араһында төп призды—электр ҡоймаҡ бешергесте Сибай ҡалаһынан Г. С. Ғәлфәүроваға отто. Үтекте Баймаҡ районы Таулыҡай ауылынан Заһира Оморҙаҡоваға, кер киптереү ҡулайламаһын Йылайыр районы Балапан ауылынан Ф.Ғ. Мостахитдиноваға, сәйнүкте Баймаҡ районы Басай ауылынан Зәкиә Сәйетоваға, найсер-дайсерҙы (йәшелсә турау ҡулайламаһы) Хәйбулла районы Аҡъяр ауылынан Р.М.Теләүғоловаға юллайбыҙ. Бағыусыбыҙ “Имран” магазинынан бүләк—намаҙлыҡ Баймаҡ районы Темәс ауылынан Сәлимйән Вәлиевҡа, түбәтәй Хәйбулла районы Өфө ауылынан Р.Хәсәновҡа тапшырыласаҡ. Бынан тыш, гәзитебеҙҙең электрон төрөнә яҙылыусылар араһында ла лото уйыны уҙғарылды. Уның еңеүсеһе Кәримоваға ([email protected]) шәхси эшҡыуар Зилиә Моратова “Атайсал” эмблемаһы сигелгән футболка бүләк итә.
Шуныһы ҡыуаныслы: тотош бер йылға яҙылыусылар ҙа быйыл байтаҡ ҡына. Улар араһында төп приз –балаҫты Сибай ҡалаһынан Г.Х. Уйылданова (һүрәттә) отто. Электр сәйнүге—Баймаҡ ҡалаһынан Ғ.Ф.Ниғәмәтовҡа, кер үтекләү ҡоролмаһы—Сибай ҡалаһынан В.М. Иҫәнғоловаға, термос—Хәйбулла районы Сиҙәм ауылынан Йәнбикә Ярҡынбаеваға, ланч-бокс (аҙыҡ-түлек йөрөтөү һауыты)—Сибай ҡалаһынан Сабира Таңғатароваға, “Имран”магазинынан түбәтәй—Баймаҡ районы Аҡморон ауылынан Мәүлиә Баймөхәмәтоваға.
Еңеүселәрҙе ысын күңелдән ҡотлайбыҙ. Бүләктәрҙе 10 ғинуарҙан һуң “Атайсал” гәзите редакцияһына, йә иһә 89279412606 телефонына шылтыратып, килеп алыуығыҙҙы һорайбыҙ.
Ә кемдәр “Атайсал”ға яҙылып та бүләк отмаған, һис борсолмағыҙ! Гәзитебеҙҙе, интернеттағы социаль селтәрҙәрҙе күҙәтеп барығыҙ. Беҙ унда гәзитебеҙҙе алдырыусылар араһында уйындар үткәрәбеҙ һәм иҫтәлекле бүләктәр уйнатабыҙ!
Яңы башланып торған 2021 йыл һәммәгеҙгә лә тик бәхет-ҡыуаныстар ғына алып килһен. Йортобоҙҙо—ҡот, донъябыҙҙы—тыныслыҡ, күңелебеҙҙе иман ташламаһын! Беҙҙең менән бергә ҡалығыҙ, яҙҙырығыҙ, уҡығыҙ, хаттар яҙығыҙ!