ЯҢЫ ЙЫЛДЫ ИМЕН ҠАРШЫ АЛАЙЫҠ!

Хөрмәтле дуҫтар! Барыбыҙ ҙа ашҡынып көткән матур байрам—Яңы йыл етте. Уны ҡаршы алырға әҙерләнгәнбеҙ икән, тимәк, беҙ иҫән-һау! Йәнә бер йылыбыҙ тарихта ҡалды. Әлбиттә, шатлығы ла, көйөнөстәре лә булғандыр. Ни хәл итәһең, тормош бит... Әммә беҙ иҫән, беҙ һау – шуныһы һөйөндөрә. Киләһе йылыбыҙ – 2021 йыл уҙғанынан ҡарағанда яҡшыраҡ, шатлыҡлыраҡ, уңышлыраҡ булһын, тип теләйек!Йыл менән йыл алмашыныуына шаһит булыу, береһен имен генә оҙатып, икенсеһен имен ҡаршы алыу шатлыҡ, әлбиттә. Тик уны үтә шашып байрам итеп ташламаһаҡ ине...Ни өсөн тигәндә, эскелек бар ерҙә – бәлә лә бар. Телевизорҙы тоҡандырһаҡ та, радионы ҡабыҙһаҡ та, интернетты асып ебәрһәк тә ҡот осмалы хәлдәр. Унда кемделер үлтергәндәр, бында кемдер фажиғәғә тарыған... Бындай ҡазаларҙан Хоҙайым үҙе һаҡлаһын!Ғәҙәттә, яңы йыл төнөндә эскән килеш руль артына ултырған водителдәр ҙә осрай. Улар үҙҙәрен дә, туғандарын да, ҡаршыһына тап булған ят кешеләрҙе лә оло хәүеф аҫтына ҡуя. Зинһар, иҫерек килеш машинаға ултырмағыҙ!Һеҙгә Башҡортотсан Республикаһы буйынса баш дәүләт инспекторы Динар Ғилмутдинов та мөрәжәғәт итә: