Киптерелгән алма файҙаһы

Киптерелгән алмала кальций, калий, тимер, натрий, фосфор, йод һәм башҡа файҙалы элементтар бар. Ул файҙалы бактерияларҙың үҫеүенә булышлыҡ итә, хәтерҙе яҡшырта. Кипкән алма матдәләр алмашыныуын яҡшырта, уны онкология ауырыуҙарынан профилактик сара булараҡ та ҡулланалар. Аҙыҡ эшкәртеүҙе лә яйға һала, ҡан баҫымы түбән булғанда ярҙамға килә, нервы сирҙәренән ҡурсалай. Күҙ күреүе, тире, сәс, тырнаҡ торошо насарайғанда ла кипкән алманы йышыраҡ рационға индерергә кәңәш ителә.