Күк сәскә

Күк сәскә—ҡый үләне, уны баҫыуҙарҙа, юл-һуҡмаҡ буйҙарында осратырға була. Баҡсасылар уны махсус рәүештә лә үҫтереүе ихтимал.Уға күптәр ҡый үләне тип иғтибар ҙа итмәйҙер, әммә ул шифалы. Ул үт һыуын, һейҙек ҡыуыусы, дезинфекция ролен үтәүсе, елһенеүҙе алыусы. Халыҡ медицинаһы уның төнәтмәһен блефарит, конъюнктивит, күҙҙәр талғанда ҡулланырға кәңәш итә. Шулай уҡ тире ауырыуҙарынан ярҙам итә, фурункул (ваҡ сиҡан) сыҡҡанда ярап ҡала.Күк сәскәне сәскә атҡан мәлендә йыйып алырға кәрәк. +40 +50 градуслыҡ эҫелә киптереп алырға. Һаҡлау ваҡыты—2 йыл.Табип менән кәңәшләшергә онотмағыҙ. Кире тәьҫире булыуы ихтимал. Ауырлы ҡатындарға ҡулланыу тыйыла.