+7 °С
Болотло
Бөтә яңылыҡтар
Хужабикәгә
5 Апрель , 14:25
Петуния йомортҡа ҡабығы ярата
Минең петуниялар яҙ ахырынан беренсе ҡырауҙар төшкәнсе шау сәскәлә ултыра. Бының бер сере бар.Яҙын сәскә үҫентеләрен баҡсаға йәки һауытҡа күсереп ултыртҡансы, тупрағына көл йәки йомортҡа ҡабығы өҫтәйем. Ҡабыҡты туҙан рәүешенә килгәнсе ваҡлайым. Бының өсөн иң ҡулайлыһы— «кофемолка». Ә көл әҙерләү өсөн кесерткән кәрәк.
Йәш кесерткәнде күләгәлә 7 көн буйы киптерәм. Япраҡтары ыуала башлағас, утҡа бирешмәй торған һауытҡа тултырып яндырам. Янып бөткәс, көл әҙер тигән һүҙ.
Бер петуния үҫентеһенә сама менән 1 аш ҡалағы йомортҡа ҡабығы һәм 1,5 аш ҡалағы кесерткән көлө кәрәк. Сәскәләрҙе айына бер тапҡыр шулар менән ашлайым. Беренсе тапҡыр—тупраҡҡа ултыртҡанда.
Мин инде бик күптәннән ошо ысулды ҡулланам. Һеҙгә дә шуны кәңәш итәм.
Зоя Михайлова.
Новости партнеров