Ҡарағатлы тәмлекәс

Хужабикәгә Ҡарағат менән бәлеш Ҡамыр өсөн кәрәк: 200 гр он, 1 сәй ҡалағы йомшартҡыс /разрыхлитель/, семтем тоҙ, 100 гр шәкәр, семтем ванилин, 1 йомортҡа, 100 гр аҡ май. Эслек өсөн кәрәк: 100 гр ҡаймаҡ, 100 гр ҡуйыртылған һөт /сгущенка/, 1,5 аш ҡалағы кукуруз крахмалы, 300 гр ҡыҙыл йә ҡара ҡарағат. Һауытҡа ирегән аҡ майҙы, йомортҡаны, тоҙҙо, шәкәрҙе, ванилинды һалып болғатабыҙ. Унан он менән йомшартҡысты өҫтәйбеҙ. Ҡулға йәбешмәҫлек ҡамыр килеп сығырға тейеш. Майланған табаға ситтәрен бер аҙ күтәреп тигеҙләп йәйеп һалабыҙ. Эслек өсөн ҡарағат менән крахмалды ҡушып бутайбыҙ. Ҡамыр өҫтөнә һалып, 180 градуста йылытылған духовкаға 25 минутҡа оҙатабыҙ. Бәлеш бешкән арала ҡуйыртылған һөткә ҡаймаҡ ҡушып болғатабыҙ. Бәлеште духовканан алғас, әлеге массаны емеш өҫтөнә ҡоябыҙ ҙа, пирогты 3 сәғәткә һыуытҡысҡа ҡуйып торабыҙ. Бик тәмле бәлеш килеп сыға. Сәйҙәрегеҙ тәмле булһын!

Ҡарағатлы тәмлекәс