АТАЙСАЛ
-16 °С
Болотло
Антитеррор
Бөтә яңылыҡтар
Хужабикәгә
12 Декабрь 2020, 18:00

ҠЫШҠЫ ЕЛӘК

Тиҙҙән барыбыҙ ҙа көтөп алған Яңы йыл байрамы. Был көндө һәр хужабикә ғаиләһе өсөн йәмле һәм тәмле табын әҙерләй. Түбәндәге рецепт буйынса "ер еләге"н дә әҙерләп ҡарарға тәҡдим итәбеҙ.

Был рецепт менән “ер еләге”н әҙерләп ҡарағыҙ әле, үкенмәҫһегеҙ. Яңы йыл өҫтәленә йәм өҫтәр.
Кәрәкле ингредиенттар:
Сельд балығы, һуған, йәшел тәмләткестәр, сөгөлдөр, картуф, лимон һуты, зәйтүн майы, петрушка, кунжут.
Әҙерләү: сөгөлдөр менән картуфты бешереп алығыҙ, әрсеп таҙалағыҙ. Сөгөлдөрҙө ваҡ ҡырғыстан үткәрегеҙ, картуфты иҙегеҙ һәм икеһен ҡушығыҙ.
Балыҡты һәм һуғанды ваҡлап турағыҙ, йәшел тәмләткес үләндәр өҫтәгеҙ.
Сөгөлдөр-картуф ҡатышмаһынан бәләкәс йәймәләр эшләгеҙ. Уртаһына балғалаҡ менән балыҡлы ҡатышманы һалығыҙ һәм еләк формаһын әүәләгеҙ.
Зәйтүн майы, лимон һутынан соус әҙерләп, уны “еләк”кә ҡойоғоҙ, кунжут һибегеҙ. Пертушканан “мыйыҡса”лар эшләп ҡуйығыҙ.