Картуф ҡоймағы

Картуф ҡоймағы (драники) өсөн эре булмаған 8 картуфты әрсеп, ҡырғыс аша үткәрергә. Аҙаҡ икенсе һауытҡа һығып һалғас, картуф ҡараймаһын өсөн өҫтөнә тоҙ һибегеҙ. Бер баш һуғанды, 2 теш һарымһаҡты, 1 кишерҙе шулай уҡ ҡырғыс аша үткәреп, 4 йомортҡа, самалап тоҙ, борос, йәшел тәмләткестәр, 2-3 ҡалаҡ он йә манный ярмаһы ҡушып бутағыҙ. Әҙер массаны ҡалаҡ менән алып һалып, майлы табала ике яҡтан да ҡыҙҙырып бешерегеҙ. Газдың утын үтә ҡыҙыу итмәгеҙ.