Тусалиндар 50 йыл бергә

Йылайыр районының Ҡашҡар ауылынан Ильяс һәм Фәрзәнә Тусалиндар алтын туйҙарын билдәләне. Ошо айҡанлы матур ғаилә парын Йылайыр районы хакимиәте башлығы Борис Мелкоедов ҡотланы. Ғаилә башлығы ильяс Әхмәтша улы бөтә ғүмерен ауыл хужалығына бағышлаған. Хәләл ефете Фәрзәнә Һибәтулла ҡыҙы хаҡыл ялға сыҡҡанға ҡәҙәр ауыл хакимиәтендә эштәр идарасыһы вазифаһын башҡарған.

Тусалиндар балалар үҫтереп, уларға матур тәрбиә биреп, уҡытып оло тормошҡа аяҡ баҫтырған. Хәҙер ейән-ейәнсәрҙәрен һөйөп, һәр атҡан таңға, алышынған миҙгелдәргә ҡыуанып, бер-береһенә терәк-таяныс булып һәүетемсә ғүмер итә.

Автор:Гульдар Кадаева