-26 °С
Болотло
Бөтә яңылыҡтар
Эшҡыуарлыҡ
18 Февраль 2025, 10:55
Эшҡыуарҙар ҙа кәңәшкә мохтаж
Февраль айы уртаһында Башҡортостандың бөтә ҡала һәм райондарында үҙ эшеңде асыу мәсьәләләре буйынса берҙәм кәңәш көнө уҙғарылды. Рәсәй Президенты Владимир Путин ҡушыуы буйынса илебеҙҙә бәләкәй һәм урта эшҡыуарлыҡты үҫтереүҙе тәьмин итеү буйынса махсус программа булдырылған. 2024 йылда республикабыҙҙа эшҡыуарлыҡты асыуға һәм үҫтереүгә 3 меңдән ашыу кеше дәүләт ярҙамы алған. Сибайҙа был программаны тормошҡа ашырыуға «Рәсәйҙә эш» кадрҙар үҙәге булышлыҡ итә.
Сараға ҡаланың билдәле эшҡыуарҙары ла, үҙ эшен яңы башлаусылар ҙа саҡырылды. Бизнесмендар тәжрибәләре менән уртаҡлашты, эш алымдарын өйрәтте, дәүләт ярҙамын юллау ысулдарын аңлатты.
Бындай саралар эшҡыуарҙарҙы берләштереп кенә ҡалмай, бизнесҡа яңы килеүселәрҙең аҙымдарын нығыта, эшләргә өйрәтә. Остаздарҙың һәр һүҙе яңылар өсөн һабаҡ, улар эшләгән хаталарҙы ҡабатламаһындар өсөн аңлатыу эштәре үҙе бер тормош мәктәбе булып тора.
Новости партнеров