Әлибаевтарға күҙ теймәһен!

Баймаҡ районының Муллакай ауылында йәшәүсе Мөрит һәм Миләүшә Әлибаевтар төбәктең күркәм ғәиләләренең береһе.Улар ике ул һәм бер ҡыҙға ғүмер бүләк иткән. Мөрит Мәжит улы ауылда үҙ эшен булдырған -- ағас эшкәртеү менән булыша, пилорамаһы гөрләп эшләп тора, буралар бурап һата. Миләүшә Фәннур ҡыҙы Ҡолсора ауыл хакимиәтендә белгес булып эшләй. Әлеге ваҡытта бала ҡарау буйынса ялда.

Улдары Мират менән Нуриман балалар баксаһына йөрөй. Мөрит һәм Миләүшә ауылда күркәм итеп ике ҡатлы йорт төҙөп ята. Мөрит Мәжит улы ауылдың йәмәғәт тормошонда бик әүҙем ҡатнаша, староста вазифаһын да башҡара. Урында үткәрелгән һәр сарала бағыусы булыуҙары менән дә алдыралар.

Бөтмөр йәш ғаиләгә һәр яҡлап уңыштар теләйбеҙ! Ауылдарына ҡот-йәм биреп, тыуған ерҙәрендә артабан да шулай гөрләтеп донъя көтһөндәр!

Муллаҡай ауылы китапханаһы төркөмөнән.

Әлибаевтарға күҙ теймәһен!

Автор:Гульдар Кадаева