Афарин, ҡыҙҙар!

"Сибай" 3-сө республика полилингваль күп профилле гимназияһының 10-сы класс уҡыусылары Зөлхизә Йәрмөхәмәтова һәм Айдина Аҡҡужина Башҡортостандың халыҡ яҙыусыһы Зәйнәб Биишева ижадына арналған республика конкурсында беренсе урын яуланы. Улар әҙибәнең трилогияһындағы бер нисә ҡатын-ҡыҙ сифатын Тәңкәбикә образында туплап, башҡорт һәм инглиз телдәрендә монолог һөйләй. Етәкселәре—инглиз теле уҡытыусыһы Әлиә Ғәле ҡыҙы Хәмитова.

Афарин, ҡыҙҙар!

Конкурс барышында ҡыҙҙар сәхнәләштерелгән тамаша тәҡдим итеүҙән тыш, ижади һәм фәнни проекттарын яҡлай. Алмас Ғафаров, Илнур Лоҡманов, Илдар Ғүмәров ҡатнашлығындағы жюри сибайҙарҙың актерлыҡ оҫталығын юғары баһалай.

Сибай уҡыусыларын сәхнәгә сығарыуға А.Мөбәрәков исемендәге Сибай дәүләт башҡорт драма театры режиссеры Денис Нурғәлин ярҙам итә, кәңәштәр бирә.

Гимназия ҡыҙҙары конкурстан бай тәьҫораттар менән ҡайтҡан.

Афарин, ҡыҙҙар!