Яугир менән ғорурланам

Мөхәметдинов Икрам Рәжәп улы 1978 йылда тыуған. Әбйәлил районы Ишҡол мәктәбендә уҡып, 8-се класты тамамлағас, 1993 йылда һөнәрселек училищеһына уҡырға инә. Унан һуң, 1996 йылда, армия сафына алына. 1998 йылда хеҙмәт итеп ҡайтҡас, төрлө урындарҙа вахта менән эшләй. 2022 йылда махсус хәрби операцияға контракт төҙөп сығып китә. Яугир шул уҡ йылда ҡаты яралана, госпиталдә ятып дауаланғас, контракты тамамлағас, уны үҙ яғыбыҙға 2023 йылда ҡайтаралар. «Батырлыҡ өсөн», «Бахмутты алған өсөн» миҙалы менән наградлана.

Яугир батырыбыҙ менән ғорурланам һәм Еңеү байрамы менән ҡотлайым!

Айгөл Зарипова.
Әбйәлил районы Асҡар урта мәктәбенең 1 д класс уҡыусыһы.