Ярҙам итеүҙән туҡтамай

Хәйбулла районында йәшәүсе Рәхмәтуллиндар ғаиләһе махсус хәрби операция башланғандан алып алғы һыҙыҡтағыларға даими ярҙам күрһәтә. Ғаилә башлығы шәхси эшҡыуар Ришат Рәхмәтуллин Хәйбулла районы Советы рәйесе лә булып тора. Мәрхәмәтлекте, шәфҡәтлекте алға ҡуйған ғаилә яугирҙәргә быға ҡәҙәр УАЗ автомобиле, тушенка, аҡсалата ярҙам ебәргән. Ошо көндәрҙә Ришат Зәйнәғәли улы маскировкалау селтәрҙәре үреү өсөн 100 мең һумлыҡ тауар һатып алған.

Хәйбуллалар дошман күҙенән һаҡлаусы маскировкалау селтәрҙәрен үреүҙе туҡтатмай. Шуға ла туҡыма еткереү ауыр. Яҡташтар ҙа гелән сеткалар кәрәклеген белгертеп заявкалар яҙа. Ирекмәндәр, ауылдарҙа йәшәүселәр үргән селтәрҙәре ил һағында торған ир-егеттәребеҙҙең именлеген һаҡлауға өлөш индереүенә ышана.

Асыҡ уллы эшҡыуарға рәхмәт әйтәбеҙ һәм изгелеге үҙенә, ғаиләһенә мең сауап булып ҡайтыуын теләйбеҙ!

Автор:Гульдар Кадаева

Читайте нас

Партнеры