АУЫЛ КАРТАҺЫН СИККӘН

Хәйбулла районы Әбеш ауыл советы ауыл биләмәһе төркөмөндә хәбәр ителеүенсә, Вәзәм ауылы оҫтабикәһе Һәҙиә Байгилдина Әбеш ауылы биләмәһенең картаһын сиккән:

"Беҙҙә иҫ китмәле һөнәрле, талантлы кешеләр йәшәгәненә көн дә инанабыҙ.

Хәйбулла районы картаһын туҡымаға сигеп эшләу кәрәклеге тыуғас, һәр ауыл биләмәһе үҙ картаһын сигә, унда тәбиғәтен, халыҡтың төп шөғөлен сағылдырып күрһәтергә, тигән бурыс ҡуйылды. Был эште Вәзәм оҫтабикәһе Һәҙиә Нәғим ҡыҙы Байгилдина үҙ өҫтөнә алды һәм күреүебеҙсә ул сәнғәт ижады өлгөһө тыуҙырған", - тиелә яҙмала.