Ҡотлайбыҙ!

Ҡырым Республикаһы Яҙыусылар союзының Элиста ҡалаһында үткән күсмә ултырышында Арыҫлан Мөбәрәков исемендәге Сибай дәүләт башҡорт драма театрының баш рәссамы, Рәсәй Федерацияһының һәм Ҡалмыҡ Республикаһының атҡаҙанғат сәнғәт эшмәкәре Валерий Борисович Яшкуловҡа тантаналы рәүештә Союздың ағзалыҡ танытмаһы тапшырылды. Шулай уҡ уға Рәсәй рәссамдары Ижади союзының ағзалыҡ билеты ла бирелде. Бер үк көндә Валерий Борисович “Төнъяҡ амурҙары йыры” пьесаһы өсөн  “Интеллигентлы миҙгел-2023” халыҡ-ара әҙәби конкурсының “Драматургия” номинацияһындағы Дипломын да алды. Бәхетленең бүләге бер көндә!

Ҡотлайбыҙ!