ҠОҘОҠТО ТЕРГЕҘӘЛӘР

Халыҡ шишмә-инештәрҙе таҙалауға, уларҙы кәртәләүгә иғтибар бирә башланы. Был һөйөндөрә. Элекке ҡоҙоҡтарҙы рәтләп ҡуйыу ҙа бик изге эш. Улар мәҙәни мираҫ булып та тора.
Хәйбулла районы Федеровка ауылында ҡоҙоҡ 1914 йылда уҡ булған. Ул урындағы халыҡты һыу менән тәьмин итеүсе берҙән-бер сығанаҡ була. Сорғот ҡалаһында йәшәүсе Александр Игнатьев тыуған ауылындағы ҡоҙоҡто тергеҙергә ҡарар иткән. Ауыл биләмәһе депутаттары уны хуплаған һәм ярҙам итеүгә тотонған.