ИР-ЕГЕТТЕҢ КҮҢЕЛЕНДӘ...

Баймаҡ районы Түбәнге Яйыҡбай ауылы — бәләкәй генә ауыл. Шулай ҙа бында дәртле, талантлы кешеләр бихисап. Шуға ла улар уҙған йыл «Айыҡ ауыл» республика конкурсында еңеү яуланы.

Күптән түгел оҫта ҡуллы ауылдаштары Азат Әмиров Әбйәлил районы Таштимер ауылында үткән «Башҡорт аты» ярышында ҡатнашты. Үҙе эшләгән ат егеүҙә ҡулланылған кәрәк-яраҡтарын күргәҙмәгә ҡуйҙы. Һөҙөмтлә, 3-сө урын яулап, 5 мең һумлыҡ сертификат алды.