Был ябай ауыл эшсәндәре ғүмерҙәренең байтаҡ йылдарын намыҫлы хеҙмәткә бағышлай, балалар тәрбиәләй, тормош һынауҙарын бергәләп үтә һәм яҙмыш бүләктәренә ихлас һөйөнә.
Ғәлиндарҙың татыу, эшһөйәр ғаиләһендә биш бала үҫкән.Улар үҙ ғаиләләрен ҡороп, намыҫ менән хеҙмәт итәләр. Ата-әсәһе өсөн өҙөлөп торалар, хужалыҡтарында ярҙам итергә, тип тыуған йорттарына йыш киләләр. Әлеге көндә 10 ейән-ейәнсәр һәм 2 бүлә-бүләсәргә бәхетле ҡартатай һәм ҡартәсәй.
–Ғаилә, балалар, тип ғүмерҙең үткәнен һиҙмәй ҙә ҡалаһың икән. Хәҙер ейән-ейәнсәрҙәрҙе ҡарашып,уларҙың уңыштарына шатланып йәшәйбеҙ. Уларҙың барыһын да тигеҙ яратабыҙ, үҙҙәре лә, "ҡартатай, өләсәй", тип өҙөлөп кенә торалар. Илле йыл – ул тотош бер ғүмер, – ти улар бәхетле йылмайып.
Бер-береһен ҡәҙер-хөрмәт итеп, йылы тойғоларын олоғайған көндәренә тиклем һаҡлаған, иңгә-иң терәп 50 йыл бергә йәшәгән Ғәлиндарҙың алдағы көндәре лә гел шатлыҡ-ҡыуаныстар менән үтһен, балаларының изгелектәрен күреп,именлектә-һаулыҡта оҙон-оҙаҡ йәшәргә насип булһын.
 
Хәйбулла районы башҡорттары ҡоролтайы төркөмөнән.