Ҡышҡы йәйғор

Баймаҡ районының Темәс ауылында йәшәүселәр бөгөн әлеге миҙгел өсөн үҙенсәлекле күренешкә шаһит булған. Улар күктәге ҡышҡы йәйғорҙоң йәғни галоның видеояҙмаһын «Башинформ» агентлығына ебәргән.

Метеорологтар фекеренсә, бындай атмосфера күренештәре йышыраҡ һауа торошо үҙгәргәндә, мәҫәлән, буран сығыр йәки температура түбәнәйер алдынан күҙәтелә. Халыҡ һынамыштары буйынса, ҡыш көнө йәйғор көндәрҙең һыуытыуына ишаралай.

Сығанаҡ: Башинформ