РӘХМӘТ БЕЛДЕРӘЛӘР

Баймаҡ районы Билал ауылы халҡы ошо арала махсус хәрби операция зонаһына биш маскировкалау селтәре үреп ебәргән. Егеттәр уны бик кәрәкле һәм мөһим әйбер тип билдәләй һәм рәхмәттәр еткерә. Ошо арала билалдар яңы маскировка селтәрҙәренә тотонасаҡ, материалдар алынған.

Яугирҙең әсәһе Фәниә апай былай тип яҙа:

—Хәйерле көн, хөрмәтле Билал ауылы халҡы! Беҙҙең улыбыҙ әлеге ваҡытта махсус хәрби операцияла ҡатнаша. Яугирҙәргә Баймаҡ районы, Башҡортостан халҡы бик күп посылкалар әҙерләп ебәреп тора. Кисәге көн Илшат улыбыҙға Билал ауылының ағинәйҙәре, ҡатын-ҡыҙҙары үргән сетка барып етте. Үҙегеҙҙең ваҡытығыҙҙы бушҡа сарыф итмәй, күҙ нурҙарын түгеп эшләгән эштәрегеҙ өсөн улыбыҙ Илшаттан, башҡа яугирҙарҙан һәм үҙебеҙҙең исемдән барығыҙға ла оло рәхмәтебеҙҙе еткерәбеҙ. Һеҙ үргән сетканы ауыл хакимиәте башлығы Данис Рәфҡәт улы алып килеп тапшырҙы. Ир-егеттәр имен-һау тыуған яҡтарына әйләнеп ҡайтһын, әсәйҙәрҙең күҙ йәше түгелмәһен. Рәхмәтебеҙ сикһеҙ!