Ғаиләләр ярышы

Ғаилә йылы сиктәрендә 27 майҙа Хәйбулла районы Аҡъяр ауылының «Йәйғор» балалар баҡсаһында «Супер ғаилә!» муниципаль конкурсы үтте. Уның маҡсаты ғаилә тормошоноң абруйын, ғаилә ҡиммәттәрен пропагандалау һәм күтәреү, ғаилә ижады йолаларын һаҡлау һәм үҫтереү, бер-береһе менән ҡыҙыҡһыныуҙар һәм мауығыуҙар нигеҙендә быуындарҙың ғаилә - туғанлыҡ бәйләнештәрен нығытыу ине.

Беҙҙең Татыр-Үҙәк ауылы "Буратино" балалар баҡсаһынан Кузнецовтар ғаиләһе сығыш яһаны. Ғаиләлә биш бала тәрбиәләнә, өсәүһе - ҡурсаулыҡҡа алынған малайҙар. Был ғаиләлә мөхәббәт һәм үҙ-ара аңлашыу хакимлыҡ итә.
«Семь Я» визит карточкаһы турында барлыҡ ҡатнашыусылар ҙа үҙ ғаиләһенең портреты менән таныштырҙы;
- «Беҙҙең мауығыуҙар» турында ҡатнашыусылар йырланы, бейене;
- «Тыуған төйәк тарихынан» турында башҡорт халҡының мәҙәниәте, сәнғәте, ғөрөф-ғәҙәттәре менән бәйле ҡул эштәре менән таныштырҙылар;
-«Беҙҙең традицион ризыҡ» турында милли ризыҡты үҙенсәлекле итеп тәҡдим иттеләр. «Супер - ғаилә!» конкурсы йомғаҡтары буйынса Кузнецовтар ғаиләһенә "Ижади ғаилә" грамотаһы тапшырылды. Ҡотлайбыҙ!!!

ВИЛӘ БАЙСУРИНА