Әбүбәкерҙәр ҡорбан салған

"Айыҡ ауыл" республика конкурсында ҡатнашҡан Хәйбулла районының Әбүбәкер ауылы халҡы үҙ-ара кәңәшләшеп, аҡса йыйып, донъялар именлегенә, ауылда буласаҡ ҙур йыйынға инселләп, ҡорбан салған. "Ауылдаштарыбыҙҙың берҙәмлеге һоҡландыра, ғорурландыра. Һәр берегеҙгә иҫәнлек - һаулыҡ, ғаилә бәхете, күңел тыныслығы насип булһын. Донъялар имен булһын, ҡылған изгелектәрегеҙҙең сауаптары үҙегеҙгә икеләтә әйләнеп ҡайтһын! Һәр ваҡыт берҙәм булайыҡ, бергә булайыҡ!

Салған ҡорбандарыбыҙ ҡабул булһын, нитләнгән мәртәбәле сарабыҙ имен-һау уҙһын! — тип яҙа әбүбәкирҙәр социаль селтәрҙә. Салған ҡорбандарығыҙ ҡабул булһын!

Автор:Гульдар Кадаева