Сибайҙар тиҙ арта

Яңыраҡ ҡына Сибай ҡалаһында 300-сө бала тыуыу тураһында хәбәр иткәйнек, ошо көндәрҙә ҡалала тыуған сабыйҙар һаны 400-гә етте. ЗАГС бүлегендә Ирек Иршат улы һәм Гүзәл Рим ҡыҙы Үтәшевтар Ғайсар исемле улдарына тап шул 400-сө һан аҫтында тыуыу тураһында таныҡлыҡ алды.

Сибайҙар тиҙ арта

Малай 3290г. булып тыуған, тән оҙонлоғо 51 сантиметр. Үтәшевтарҙың өлкән улдары Ғәзизгә 3 йәш.

--Улыбыҙ ағай булды. Исемде малайҙарға кәләш ҡушты. Ул да 3 балалы ғаиләлә үҫкән, беҙҙә 3-әү буй еткерҙек. Шуға күрә Сибай демографияһы үҫешенә әле үҙ өлөшөбөҙҙө индерербеҙ әле,--тип ышаным тине ғаилә башлығы Ирек Үтәшев.

Автор:Гульдар Кадаева