Һайлауға - ғаилә менән

--Алтын ҡасабаһында урынлашҡан 628-се һайлау участкаһында иртәнге 08.30 сәғәттә һайлаусылар һаны 56-ға етте. Һайлау комиссияһы асылмаҫ элек урамда күп һайлаусылар йыйылған да ине. Күбеһенсә урта йәштәгеләр, йәштәр ғаиләләре, балалары менән килә. Һайлаусыларҙың актив граждан позицияла булыуы ҡыуаныслы. Тәүге һайлаусыларҙың барыһына ла бүләктәр тапшырылды,--тип хәбәр итә 628-се һайлау участкаһы комиссияһы ағзаһы Гөлдәр Дәүләтшина.