Байрам менән ҡотланылар

Баймаҡ районы Бикеш ауылында өс тыл ветераны йәшәй. Район советы депутаты, Бикеш ауылы фермеры Сергей Александрович Мичунов уларға байрам бүләге әҙерләгән.

Ауыл хакимиәте башлығы Люциә Һатыбалды ҡыҙы Иҫәнғолова, ауыл активистары фермер әҙерләгән бүләкте ололарға тапшырҙы, байрам менән ҡотланы. Улар араһында беҙҙең "Атайсал" гәзитенең тоғро дуҫы, 98 йәшлек Мәғәмүрә Мазһар ҡыҙы Мөхәмәтйәнова ла бар.

Ололарҙы Бөйөк Еңеү көнө менән беҙ ҙә ҡотлап, ныҡлы һаулыҡ теләйбеҙ!