Байрам уңайынан—сәскәләр

—Өс көн алдан халыҡтан аҡса йыйҙыҡ. Бөтәһе лә оло теләк менән ҡушылды. Ауыл депутаты Илгиз Азамат улы ярҙамы менән тупраҡ ауҙарттыҡ һәм бергәләп сығып эшләнек. Ир-егеттәр тупраҡты таратып һалып түтәл эшләне, ерҙе йомшартты, һыу ташыны , ә ҡатын-ҡыҙҙар сәскәне ултыртты,—тип һөйөнә ауыл активисы, ауылда мәҙәни саралар ойоштороусы Гүзәл Әминева.

80 йыл элек еребеҙгә тыныслыҡ гөлләмәһе бүләк иткән олатайҙар рухы шатланһын. Уларға рәхмәт йөҙөнән ултыртҡан сәскәләрегеҙ ауылға йәм бирһен!