АЙГӨЛ МЕНӘН ИСКӘНДӘР НИҢӘ БЕРГӘ ЙЫРЛАЙ?

Күптән түгел Айгөл Әсәҙуллина менән Искәндәр Ғәзизов башҡарыуындағы “Һанама” йырының премьераһы сыҡты. Был уларҙың тәүге дуэты түгел. Сираттағы йырҙарынан һуң халыҡ араһында хәбәр китте: Айгөл менән Искәндәр бергә йәшәй башлаған икән… Был ысынмы? Айгөлдөң үҙенә мөрәжәғәт иттек.

--Искәндәр ҙә, мин дә башҡа йырсылар менән дуэттар эшләнек. Ижад кешеһе һәр саҡ эҙләнеү өҫтөндә. Искәндәр менән дуэт башҡарғандан һуң, беҙгә тауышығыҙ тап килә тинеләр.Ысынлап та, беҙҙең тауыштар бер-береһен тулыландырып тора. Шул яғы менән ул халыҡҡа яҡын булып сыҡты. Әммә шәхси тормошта бер-беребеҙгә ҡыҫылғаныбыҙ юҡ. Уның – үҙ тормошо, минең үҙ тормошом,--ти Айгөл Әсәҙуллина.

Эйе, Айгөл Сибай концерт-театр берекмәһендә эшләй, Сибайҙа йәшәй, Ә Искәндәр баш ҡалабыҙ филармонияһында эшләй.
Ысынлап та, уларҙың моңо бер-береһенә үрелеп бара, тулыландыра. Дуэттары бик матур. Киләсәк тә лә яңы йырҙар көтәбеҙ һәм уңыштар теләйбеҙ!