Бөтә яңылыҡтар
Новости
24 Сентябрь 2021, 15:20

Исемдәре мәңгеләштерелде

Башҡортостанда "Мәҙәниәт" милли проекты сиктәрендә Бөйөк Ватан һуғышы ветерандарының, мәҙәниәт һәм сәнғәт эшмәкәрҙәренең исемдәрен мәңгеләштереү буйынса эштәр дауам итә. Баймаҡ, Бишбүләк, Краснокама, Хәйбулла райондары етәкселегенең үтенестәрен иҫәпкә алып Башҡортостан Республикаһы Хөкүмәте төбәктең бер нисә мәҙәни-ял итеү учреждениеларының исемдәрен үҙгәртергә тигән ҡарар сығарҙы.

Исемдәре мәңгеләштерелде
Исемдәре мәңгеләштерелде

Шулай итеп, Икенсе Этҡол ауылының күп функциялы клубы – Баймаҡ районының халыҡ ижады үҙәге филиалына Рәсәй Федерацияһының мәғариф алдынғыһы, Башҡортостан Республикаһының атҡаҙанған мәҙәниәт хеҙмәткәре, тарихсы һәм крайҙы өйрәнеүсе Азамат Тажетдиновтың исеме бирелде.  

Хәйбулла районы мәҙәниәт йорто структур подразделениеһының Йәнтеш ауылы мәҙәниәт йорто РСФСР-ҙың һәм БАССР-ҙың атҡаҙанған мәҙәниәт һәм сәнғәт эшмәкәре, Башҡорт АССР-ының халыҡ артисы, беренсе башҡорт дирижеры Ғәйнетдин Моталовтың исемен йөрөтәсәк.

#нацпроекты#миллипроекттар

Автор:Гульдар Кадаева