+12 °С
Дождь
Новости
16 Сентября 2021, 10:20
Тауыш бир ҙә ташлама ал
Магазиндан ташламалы хаҡҡа әйбер алырға, йә ярты хаҡҡа театрға барырға теләһәгеҙ "Рәхмәт" акцияһына ҡушылырға кәрәк. 17-19 сентябрҙә илебеҙҙә Бөтә Рәсәй һайлауҙары үтә. Башҡортостан халҡы Рәсәй Дәүләт Думаһы Федераль Йыйылышына, Башҡортостан Дәүләт Йыйылышы-Ҡоролтайға, урындағы үҙидара органдарына депутаттар һайлай.Тауыш биреүселәр “Рәхмәт” акцияһының махсус браслетын алыуға эйә. Ул ҡайһы бер тауарҙарға, хеҙмәттәргә ташлама бирә.
Тауыш бир ҙә ташлама ал
--Сибай ҡалаһы был акцияға өсөнсө тапҡыр ҡушыла. Унда ҡатнашырға теләүсе эшҡыуарҙар һаны йылдан-йыл арта бара. Предприятие-партнерҙар һәр төрлө тауарҙарға, хеҙмәттәргә, шулай уҡ һаулыҡ һаҡлау учреждениелары, дарыуханалар, мәҙәниәт һәм спорт учреждениелары, музей, фитнес-үҙәктәр ташламалар тәҡдим итә. Был мөмкинлекте ҡулланыу ваҡыты төрлөсә, һәр эшҡыуар, етәксе үҙенсә хәл итә. Ҡайһы бер ташламалар менән йыл аҙағынаса файҙаланырға була,-- Сибай ҡалаһы хакимиәтенең сауҙа һәм иҡтисад үҫеше буйынса бүлегенең әйҙәүсе белгесе Надежда Мелехина.
Берҙәм бренд аҫтында үткән “Рәхмәт” акцияһы республиканың 10 ҡала һәм районында -- Өфө, Стәрлетамаҡ, Туймазы, Октябрьск, Нефтекамск, Благовещенск, Бөрө, Сибай ҡалаларында, Өфө районында үтә. Муниципалитеттарҙа ҡағыҙ браслеттар өләшеү көнө һәм ваҡыты раҫланған. Сибайҙа улар 19 сентябрь иртәнге сәғән 8-ҙән киске 19.00. сәғәткә ҡәҙәр таратыласаҡ.
Фото: Сибай телевидениеһы төркөмөнән.
