WorldSkills чемпионаты киңерәк масштабта үтәсәк

Президент Владимир Путин Башҡортостанда уҙасаҡ WorldSkills  чемпионаты тураһында ҡыҙыҡһынды.

«Элек-электән эшсе кадрҙар – илдең политик көсө тип билдәләнеп килде. Хәҙерге ваҡытта эшсе һөнәренең эстәлеге үҙгәрә бара. Бер хеҙмәткәрҙең инженерлыҡ, төҙөлөш өлкәһендә белеме, һөнәри оҫталығы, яһалма интеллекты булмаһа ул предприятие талап иткән хеҙмәткәр булмаясаҡ. Эшсе кадрҙарҙы бөгөнгө хеҙмәт баҙары талап итә, улар бик кәрәкле. WorldSkills  хәрәкәте эшсе кадрҙар әҙерләүҙә ярҙам күрһәтә һәм һөнәр престижын күтәреүҙә тап был чемпионат ҙур эш башҡарҙы», — тине Владимир Путин.

Ил башлығы Өфөлә уҙасаҡ чемпионаттың юғары кимәлдә уҙғарыласағына ышанысын белдерҙе. «Компетенциялар һаны буйынса, Башҡортостанда уҙғарыласаҡ чемпионат Ҡазанға ҡарағанда киңерәк масштабта үтәсәк»,-тип билдәләне ул.

#ВВПУТИНВБАШКОРТОСТАНЕ