Йылайыр районының 11 ауыл биләмәһе урындағы башланғыстарҙы яҡлау программаһында еңгән. Халыҡ әүҙемлек күрһәткән Йылайыр ауылындаға хоккей ҡумтаһында йылытылған сисенеү урыны барлыҡҡа киләсәк. Бәрҙәштә, Йомағужала зыяраттар рәтләнәсәк. Иван-Ҡыуалат, Кананикольск, Үркәстә янғын һағы машиналары өсөн модулле гараждар төҙөләсәк. Матрайҙа ауыл табип амбулаторияһына капиталь ремонт уҙғарыласаҡ. Ҡашҡарҙа хакимиәт бинаһы, Байғужа, Ҡаҙыршала клубтар рәтләнәсәк. Яманһаҙҙа балалар уйыны майҙансығы буласаҡ.