Сибайға 9 илдән ҡунаҡтар килә

Бөтә Донъя Фольклориадаһында эшләйәсәк ирекмәндәр Өфөнөң “Торатау” Конгрес-холында ике көнлөк уҡыуҙар үтте. Улар араһында Сибай ҡалаһының “Тиҫтер” балалар, үҫмерҙәр һәм йәштәр клубы хеҙмәткәрҙәре лә бар. Клуб етәксеһе Лена Мөхәмәтова әйтеүенсә, уҡыу барышында тим-лидерҙар, эксперттар киң күләмле мәҙәни сарала эшләүҙең үҙенсәлектәре менән таныштырған.

1 июлдә Өфө ирекмәндәре Ассоциацияһы ағзалары 46 илдән Фольклориадаға килеүсе ҡунаҡтарҙы ҡаршы ала башлай.

Иҫегеҙгә төшөрәбеҙ: Сибайға 8 июлдә 9 ил вәкилдәренән торған делегация киләсәк.