Ярҙам саралары ҡасандан түләнә башлай?

Президент В.В.Путин Федераль йыйылышҡа Мөрәжәғәтнамәһендә билдәләгән социаль ярҙам саралары ошо көндәрҙә түләнә башлай. Был законға ил башлығы 25 майҙа ҡул ҡуйҙы.

Документҡа ярашлы 1 сентябрҙән бала ауырыу сәбәпле ваҡытлыса эшкә яраҡһыҙлыҡ белешмәһен алыусыларға эш хаҡы тулыһынса түләнәсәк. 8 –ҙән 17 йәшкә тиклемге балалар тәрбиәләнгән тулы булмаған ғаиләләргә ай һайын төбәктәге балалар йәшәү минимумының яртыһы түләнә башлай. Шулай уҡ 1 июлдән 12 аҙнаға тиклем медицина учреждениеһына учетҡа баҫҡан ауырлы ҡатындарға йәшәү минимумының 50%-ын түләү ҡаралған.

#ВВПУТИН