Егеттәрҙе оҙатыҡ әрмегә

Хәйбулла районы хакимиәте башлығы Рөстәм Шәриповтың бөгөн эш көнө

ғәҙәттәгенән иртәрәк башланған. Бының сәбәбе ниҙә һуң?

--Тантаналы рәүештә буласаҡ ил һаҡсыларын хәрби хеҙмәткә оҙаттыҡ. Алты егет таңғы алтыла ил алдындағы бурысын үтәргә йүнәлде. Уларға яуаплы һәм шул уҡ ваҡытта почетлы бурыс йөкмәтелә – лайыҡлы хеҙмәт итеп, иҫән-һау тыуған яҡтарына әйләнеп ҡайтыу. Осрашҡанға тиклем, егеттәр!—тип яҙҙы үҙенең социаль селтәрҙәге сәхифәһендә Рөстәм Динислам улы.

Хәйбулла егеттәренә беҙ ҙә хәйерле юл, имен хеҙмәт итеп ҡайтыуҙарын теләйбеҙ!