Йәгеҙ әле, егеттәр!

Хәйбулла районының киләсәктә Ватаны һағына баҫасаҡ 65 егет “Аҡсарлаҡ”балалар һауыҡтырыу лагерында хәрби йыйын үтә. Улар 5 көн дауамында мәктәптә тормош хәүефһеҙлеге дәресендә үҙләштергән теоретик белемдәрен практикала ҡулланасаҡ. Шулай уҡ хәрби белемдәрен камиллаштырып, физик әҙерлектәрен күрһәтеп “Йәш яугир” курсын үтәсәк.

Бындай саралар буласаҡ һалдаттарҙы хәрби тормошҡа рухи һәм физик яҡтан әҙерләргә ярҙам итә, коллектив тормоштоң эстәлеген аса. Йыйын һуңында егеттәр таһыллыҡҡа, сослоҡҡа, ныҡлыҡҡа һынау тотоп, шәхси зачет тапшырасаҡ.